Fréttir

Ísland og Færeyjar ræða endurskoðun á skiptingu aflaheimilda

Núverandi fyrirkomulag verður í gildi til 1. ágúst nk. efnislega óbreytt á meðan viðræður ríkjanna fara fram.

Samræmd próf í vor og niðurstöður einstakra grunnskóla birtar opinberlega – reglugerð til umsagnar í Samráðsgátt

Mennta- og barnamálaráðuneytið kynnir nú til umsagnar drög að reglugerð um fyrirkomulag og framkvæmd samræmds námsmats í grunnskólum. Reglugerðin snýr annars vegar að nýju samræmdu prófunum í íslensku og stærðfræði sem allir nemendur í 4., 6. og 9. bekk grunnskóla gangast undir í fyrsta sinn nú í vor og hins vegar að safni valkvæðra matstækja Matsferils.…

Auglýst eftir umsóknum um styrki til fráveituframkvæmda

Umhverfis-, orku- og loftslagsráðuneytið hefur opnað fyrir umsóknir sveitarfélaga um styrki til fráveituframkvæmda. Umsóknarfrestur vegna styrkjanna er til og með 9. febrúar 2026.

Norræna ráðherranefndin auglýsir útboð á skýrslu á sviði byggða- og skipulagsmála

Norræna ráðherranefndin um byggða- og skipulagsmál (MR-R) hefur auglýst útboð um að gera samanburðarskýrslu um hlutverk skipulagskerfa Norðurlandanna.

Aukið fjármagn til áfengis- og vímuefnameðferðar í Krýsuvík og Hlaðgerðarkoti

Undirritaðir hafa verið uppfærðir þjónustusamningar heilbrigðisráðuneytisins við Krýsuvík og Hlaðgerðakot fyrir árið 2026. Á báðum stöðum er veitt þjónusta fyrir einstaklinga sem þurfa langtímameðferð vegna vímuefnavanda. Í fjárlögum 2026 er veitt auknu fjármagni til meðferðar vegna fíknivanda í samræmi við stefnuyfirlýsingu ríkisstjórnarinnar. Það gerir m.a.…

Flutningur ráðuneytisstjóra

Ásdís Halla Bragadóttir hefur verið skipuð ráðuneytisstjóri í mennta- og barnamálaráðuneytinu og Erna Kristín Blöndal ráðuneytisstjóri í félags- og húsnæðismálaráðuneytinu.

85% ökutækja þegar komin með skráningu á kílómetrastöðu

Skráning kílómetrastöðu ökutækja vegna kílómetragjalds hefur gengið mjög vel. Aðeins á eftir að skrá 15% af þeim rúmlega 300 þúsund ökutækjum sem ný lög um kílómetragjald ná yfir. Kílómetragjaldið, sem varð að lögum um áramót, tekur mið af notkun vega .…

Utanríkisráðherra Þýskalands í heimsókn á Íslandi

Samstarf Íslands og Þýskalands á sviði alþjóða- og öryggismála, málefni Grænlands, Evrópumál, norðurslóðir og innrásarstríð Rússlands í Úkraínu voru í brennidepli á fundi Þorgerðar Katrínar Gunnarsdóttur utanríkisráðherra og Johann Wadephul, utanríkisráðherra Þýskalands, sem fram fór á Keflavíkurflugvelli í dag.

Ragnar Þór Ingólfsson nýr félags- og húsnæðismálaráðherra

Ragnar Þór Ingólfsson er nýr félags- og húsnæðismálaráðherra. Hann tók formlega við lyklum að ráðuneytinu í dag frá Ingu Sæland sem verið hefur félags- og húsnæðismálaráðherra frá því í desember 2024.

Inga Sæland nýr mennta- og barnamálaráðherra

Inga Sæland tók við embætti mennta- og barnamálaráðherra í dag af Guðmundi Inga Kristinssyni, sem hefur beðist lausnar vegna veikinda. Er það í fyrsta sinn sem formaður stjórnmálaflokks í ríkisstjórn verður nýr menntamálaráðherra frá stofnun ráðuneytis menntamála.

Finnur Bjarnason skipaður óperustjóri

Jóhann Páll Jóhannsson, settur menningar-, nýsköpunar- og háskólaráðherra, hefur skipað Finn Bjarnason í embætti óperustjóra frá og með 15. janúar 2026. Óperustjóri er skipaður til fimm ára samkvæmt tillögu hæfnisnefndar líkt og kveðið er á um í 8. gr. b laga nr. 165/2019 um sviðslistir.

Samráðsgátt: Aldursmörk fyrir útgáfu ökuskírteina án læknisvottorðs hækkuð í 75 ár

Í samráðsgátt stjórnvalda eru nú kynnt drög að breytingum á reglugerð um ökuskírteini (nr. 830/2011).

Skýrara regluverk og bætt réttindi neytenda vegna gjaldtöku á bílastæðum

Húsfyllir var á morgunverðarfundi atvinnuvegaráðherra sem haldinn var 8. janúar um eflingu neytendaverndar vegna gjaldtöku á bílastæðum.

Viljayfirlýsing um uppbyggingu 108 rýma hjúkrunarheimilis í Hafnarfirði

Félags- og húsnæðismálaráðherra og Vigdísarholt ehf. undirrituðu í dag samkomulag um byggingu og rekstur nýs 108 rýma hjúkrunarheimilis í Vatnshlíð við Ásvallarbraut í Hafnarfirði. ​Samhliða var undirritað samkomulag milli Vigdísarholts og Hafnarfjarðarbæjar um lóðaúthlutun á svæðinu.

Ráðherra boðar til málþings um aðlögun að loftslagsbreytingum

Jóhann Páll Jóhannsson, umhverfis-, orku- og loftslagsráðherra, boðar til málþings um aðlögun að loftslagsbreytingum, en fyrsta aðlögunaráætlun íslenskra stjórnvalda var gefin út í lok síðasta árs. Hægt verður að fylgjast með dagskránni í beinu streymi á vef Stjórnarráðsins.​

Heilbrigðisstofnanir á landsbyggðinni styrktar til tækjakaupa

Alma D. Möller heilbrigðisráðherra hefur ákveðið að úthluta heilbrigðisstofnunum á landsbyggðinni samtals 77 milljónum króna til endurnýjunar á tækjabúnaði. Ráðstöfun fjárins byggist á forgangsröðun í samræmi við brýnustu þarfir stofnananna.…

Dómnefnd skilar umsögn um umsækjendur um embætti við Endurupptökudóm

Þann 24. október 2025 auglýsti dómsmálaráðuneytið í Lögbirtingablaði laus til umsóknar embætti dómanda og varadómanda við Endurupptökudóm. Umsóknarfrestur rann út 10. nóvember og barst ein umsókn um hvort embætti.

Ísland tekur undir þrjár yfirlýsingar um Palestínu

Ísland hefur á síðastliðnum tveimur vikum tekið undir þrjár sameiginlegar yfirlýsingar vegna stöðu mála í Palestínu.

Fréttaannáll innviðaráðuneytisins 2025

Í fréttaannál innviðaráðuneytisins fyrir árið 2025 er fjallað um helstu áfanga í starfi ráðuneytisins.

Skráningarskylda og hækkaðar fjárhæðir vegna minniháttaraðstoðar

Nýjar reglur um minniháttaraðstoð (De minimis aid) á sviði ríkisaðstoðar hafa verið innleiddar hér á landi.

Átak um bólusetningu gegn HPV veirunni

Sóttvarnalæknir er að hefja átak um bólusetningu drengja sem fæddir eru árin 2008-2010 og verður bólusetning þessara árganga gjaldfrjáls í vetur. Sýnt hefur verið fram á að HPV bólusetning er mikilvæg leið til að fækka krabbameinstilfellum.…

Morgunfundur um alþjóðlegt samhengi atvinnustefnu

Forsætisráðuneytið býður til morgunfundar um væntanlega atvinnustefnu þriðjudaginn 13. janúar nk. í Grósku.

Öryggisskuldbindingar ræddar í París

Kristrún Frostadóttir forsætisráðherra sótti í dag leiðtogafund ríkjahóps til stuðnings Úkraínu sem fram fór í París með þátttöku Úkraínuforseta. Yfirlýsing fundarins markar mikilvægan áfanga í mótun þeirra öryggisskuldbindinga sem Evrópuríki, í samstarfi við Bandaríkin, hyggjast veita Úkraínu þegar samið hefur verið um frið.

Sameiginleg yfirlýsing utanríkisráðherra Norðurlandanna vegna Grænlands

„Við ítrekum sameiginlega að málefni er varða Grænland og Danmörku eru eingöngu í höndum Grænlands og Danmerkur.“ Þannig lýkur sameiginlegri yfirlýsingu sem Þorgerður Katrín Gunnarsdóttir utanríkisráðherra og starfssystkini hennar á Norðurlöndunum birtu í dag.

Morgunverðarfundur um aðgerðir til að efla neytendavernd í tengslum við gjaldskyldu á bílastæðum

Hanna Katrín Friðriksson atvinnuvegaráðherra heldur morgunverðarfund fimmtudaginn 8. janúar, kl. 9.00 í Vox salnum á Hilton Reykjavik Nordica.

Ráðherra gefur út stefnu um líffræðilega fjölbreytni til 2030

Jóhann Páll Jóhannsson, umhverfis-, orku- og loftslagsráðherra, hefur gefið út stefnu íslenskra stjórnvalda um líffræðilega fjölbreytni til ársins 2030.

Lagafrumvarp í undirbúningi um áframhaldandi ráðstöfun séreignarsparnaðar inn á húsnæðislán

Unnið er að lagafrumvarpi sem tryggir almenningi áframhaldandi heimild til að ráðstafa séreignarsparnaði inn á húsnæðislán í samanlagt tíu ár. Þetta er í samræmi við áform sem kynnt voru í fyrsta húsnæðispakka ríkisstjórnarinnar í október sl.

Ingibjörg Þorsteinsdóttir og Eiríkur Elís Þorláksson taka við embætti dómara við Landsrétt

Dómsmálaráðherra hefur ákveðið að leggja til við forseta Íslands að Ingibjörg Þorsteinsdóttir verði skipuð dómari við Landsrétt frá 12. janúar 2026. Dómsmálaráðherra hefur jafnframt ákveðið að setja Eirík Elís Þorláksson sem dómara við Landsrétt frá 5. janúar 2026 til 28. febrúar 2029.

Heimsráðstefna Alþjóðalyfjaeftirlitsstofnunarinnar

Sjötta heimsráðstefna Alþjóðalyfjaeftirlitsstofnunarinnar (WADA) fór fram í Busan í Suður-Kóreu dagana 1.–5. desember sl. Ráðstefnuna sóttu fulltrúar íþróttahreyfingarinnar, stjórnvalda, lyfjaeftirlits, fjölmiðla og sérfræðingar. Henni lauk með samþykkt nýrra Alþjóðlegra lyfjareglna og meðfylgjandi staðla sem taka gildi 1. janúar 2027.

Meðferð við kæfisvefni – biðtími styttist úr sjö mánuðum í einn

Með markvissri aðgerðaáætlun og innleiðingu á nýju verklagi tókst Svefnmiðstöð Landspítala á liðnu ári að stytta bið einstaklinga eftir meðferð við kæfisvefni úr sjö mánuðum í einn. Biðtíminn er nú innan þjónustumarkmiða. Tölur benda einnig til þess að meðferðarheldni þeirra sem hefja meðferð hafi aukist umtalsvert, eða um 20% á milli ára.

Sex sækja um embætti héraðsdómara

Hinn 5. desember 2025 auglýsti dómsmálaráðuneytið í Lögbirtingablaði laus til umsóknar tvö embætti héraðsdómara. Umsækjendur um bæði embættin eru sex.

Aukinn umhverfislegur ávinningur af hreinsun skólps

Jóhann Páll Jóhannsson, umhverfis-, orku- og loftslagsráðherra, hefur staðfest reglugerð um fráveitur og skólphreinsun sem ætlað er að auka umhverfislegan ávinning af hreinsun skólps. Reglugerðin kemur í stað eldri reglugerðar frá 1999 með síðari breytingum.

Ný reglugerð um riðuveiki í fé

Hanna Katrín Friðriksson atvinnuvegaráðherra hefur gefið út nýja reglugerð um riðuveiki í fé. Markmið reglugerðarinnar er að útrýma riðuveiki í sauðfé á Íslandi og ná þeim markmiðum sem sett eru fram í landsáætlun um útrýmingu sauðfjárriðu

Listasafn Einars Jónssonar orðið hluti af Listasafni Íslands

„Það er fagnaðarefni að hið sameinaða safn geti tekið á móti fleiri gestum með því að fjölga þeim klukkustundum sem menningarverðmæti þjóðarinnar eru til sýnis. Sameiningin býður einnig upp á að forvarsla verður bætt, innviði styrkjast með sameiginlegum rekstri, kynningar- og fræðslustarf mun eflast og er í raun hafið líkt og dagskrá safnsins ber vott um.…

Efnt til samstarfsverkefna í þremur nýjum héruðum í Malaví

Þróunarsamvinna Íslands og Malaví á sér langa sögu, eða allt aftur til ársins 1989. Í fyrirhuguðum verkefnum er ætlunin að bæta grunnþjónustu í afskekktum samfélögum, stuðla að auknu jafnrétti og byggja upp viðnámsþrótt.

Áramótaávarp Kristrúnar Frostadóttur forsætisráðherra

Kristrún Frostadóttir forsætisráðherra flutti áramótaávarp sitt í kvöld þar sem hún færði landsmönnum óskir um gleðilegt nýtt ár með von um heilsu, hamingju og þjóðarheill.

Heilbrigðisráðuneytið styrkir innleiðingu Solihull – Togetherness á Íslandi

Heilbrigðisráðuneytið hefur veitt Geðverndarfélagi Íslands 8 milljóna króna styrk til að styðja við þýðingu og aðgengi að fræðslu- og námskeiðsefni úr hugmyndafræðinni Solihull - Togetherness, sem miðar að því að efla geðheilbrigði, tengslamyndun og farsæld barna og fjölskyldna með snemmtækum og forvarnamiðuðum aðgerðum.

Björn Helgi, Jón, Steinunn Fjóla og Magnús Örn skipuð í embætti skrifstofustjóra í umhverfis-, orku- og loftslagsráðuneytinu

Jóhann Páll Jóhannsson, umhverfis-, orku og loftslagsráðherra, hefur skipað Jón Ásgeirsson í embætti skrifstofustjóra á skrifstofu orkumála, Björn Helga Barkarson í embætti skrifstofustjóra á skrifstofu náttúru- og minjaverndar og Steinunni Fjólu Sigurðardóttur í embætti skrifstofustjóra á skrifstofu umhverfisgæða.…

Ísland stuðlar að bættum námsárangri skólabarna og lagalegri valdeflingu kvenna í Úganda

Stuðningur við börn og konur í Úganda er í forgrunni nýrra samstarfssamninga á sviði þróunarsamvinnu, annars vegar við nokkur félagasamtök sem starfa í landinu og hins vegar við Barnahjálp Sameinuðu þjóðanna og Matvælaáætlun Sameinuðu þjóðanna.

Ríkisráðsfundur á Bessastöðum í dag

Ríkisráð Íslands hefur verið kvatt saman til reglulegs fundar á Bessastöðum í dag, þriðjudaginn 30. desember, kl. 15.

Ný stefna í lánamálum ríkisins til ársins 2030

Fjármála- og efnahagsráðuneytið hefur gefið út stefnu í lánamálum ríkisins fyrir árin 2026–2030. Stefnan lýsir fyrirkomulagi lánsfjármögnunar ríkissjóðs á tímabilinu og setur fram markmið og viðmið um framkvæmd lánamála.

Skjólshús sett á fót – nýtt úrræði í geðheilbrigðisþjónustu

Í dag skrifuðu félags- og húsnæðismálaráðherra og heilbrigðisráðherra undir samstarfssamning við landssamtökin Geðhjálp um stofnun skjólshúss fyrir fólk í tilfinningalegri krísu vegna andlegra áskorana. Um er að ræða tilraunaverkefni til þriggja ára þar sem ráðuneytin tvö leggja til samtals 122 m.kr. á móti 150-180 m.kr. framlagi Geðhjálpar.…

Óskir um gleðileg jól og skapandi nýtt ár!

Tímabundnar heimildir til uppbyggingar varnargarða renna sitt skeið – undirbúningur að almennri löggjöf hafinn

Heimildir samkvæmt lögum um vernd mikilvægra innviða á Reykjanesskaga til að taka ákvarðanir um uppbyggingu varnargarða og aðrar sambærilegar framkvæmdir í þágu almannavarna renna sitt skeið í lok árs 2025.

Skattabreytingar á árinu 2026

Um áramót taka gildi ýmsar skattabreytingar sem snerta bæði heimili og fyrirtæki í landinu.

Frumvarp um sterkari lagaumgjörð ofanflóðavarna lagt fram í Samráðsgátt

Umhverfis-, orku- og loftslagsráðuneytið hefur birt í samráðsgátt stjórnvalda drög að frumvarpi sem felur í sér ýmsar breytingar á lögum um varnir gegn snjóflóðum og skriðuföllum.

Ný stefna utanríkisráðuneytisins á sviði borgaraþjónustu

Utanríkisráðuneytið hefur birt nýja stefnu á sviði borgaraþjónustu 2026 – 2030. Uppfært stefnuskjal tekur mið af þeim áskorunum sem borgaraþjónustan hefur staðið fyrir á síðustu árum, ekki síst heimsfaraldri Covid-19 sem og vaxandi hernaðarátök á heimsvísu.

Ríkisstjórnin styrkir uppbyggingu björgunarmiðstöðva Landsbjargar

Ríkisstjórnin hefur samþykkt tillögu forsætisráðherra að veita Slysavarnarfélaginu Landsbjörg 25 milljóna króna styrk af ráðstöfunarfé sínu til að styðja við uppbyggingu björgunarmiðstöðva aðildarsveita félagsins.

Dómnefnd skilar umsögn um umsækjendur um embætti dómara við Landsrétt

Hinn 24. október 2025 auglýsti dómsmálaráðuneytið í Lögbirtingablaði tvö embætti dómara við Landsrétt laus til umsóknar. Annars vegar er um að ræða skipun í embætti dómara við Landsrétt og hins vegar setningu til og með 28. febrúar 2029. Sjö umsóknir bárust um embættin.

Samþykktar breytingar á lögum um endurgreiðslur vegna kvikmyndagerðar

Frumvarp til laga um breytingu á lögum nr. 43/1999 um tímabundnar endurgreiðslur vegna kvikmyndagerðar á Íslandi var samþykkt á Alþingi 17.desember 2025. Lögin öðlast þegar gildi en ákvæðin koma til framkvæmda 1. janúar 2026.

Frumvarp til nýrra laga um stjórn vatnamála í samráðsgátt

Umhverfis-, orku- og loftslagsráðuneytið hefur birt til kynningar í samráðsgátt stjórnvalda drög að frumvarpi til nýrra heildarlaga um stjórn vatnamála.

Breytingar á staðgreiðslu um áramótin

Samkvæmt lögum um tekjuskatt hækka persónuafsláttur og þrepamörk tekjuskatts einstaklinga í upphafi hvers árs sem nemur hækkun á vísitölu neysluverðs næstliðna tólf mánuði að viðbættri hækkun vegna framleiðnivaxtar.

Drög að frumvarpi til nýrra heildarlaga um lagareldi birt í samráðsgátt

Hanna Katrín Friðriksson atvinnuvegaráðherra hefur lagt fram til kynningar og umsagnar í samráðsgátt stjórnvalda drög að frumvarpi til nýrra heildarlaga um lagareldi ásamt drögum að frumvarpi um breytingar á lögum um lax- og silungsveiði.

Rekstrarstuðningur til einkarekinna fjölmiðla - úthlutun ársins 2025

Niðurstöður úthlutunarnefndar um rekstrarstuðning til einkarekinna fjölmiðla

Eyjólfur Ármannsson í tímabundið leyfi vegna feðraorlofs

Eyjólfur Ármannsson, innviðaráðherra, sem einnig fer með málefni mennta- og barnamálaráðuneytisins, er farinn í tímabundið leyfi vegna feðraorlofs. Inga Sæland, félags- og húsnæðismálaráðherra, mun leysa Eyjólf af á meðan leyfinu stendur og fara með málefni innviðaráðuneytis og mennta- og barnamálaráðuneytis.

Unnþór Jónsson skipaður varaformaður úrskurðanefndar umhverfis- og auðlindamála

Umhverfis-, orku- og loftslagsráðherra, hefur skipað Unnþór Jónsson í embætti varaformanns úrskurðarnefndar umhverfis- og auðlindamála.

Tímamótasamningur tryggir heildstæða og aðgengilegri meðferð við fíknsjúkdómi

​Sjúkratryggingar og SÁÁ hafa undirritað nýjan heildarsamning um meðferð við fíknsjúkdómi. Samningurinn markar tímamót í íslenskri heilbrigðisþjónustu og felur í sér mikilvæga viðurkenningu á fíknsjúkdómi sem alvarlegum og langvinnum heilbrigðisvanda sem krefst samfelldrar og faglegrar meðferðar.

Samningur um þjónustu Frú Ragnheiðar með stórauknu fjármagni

Sjúkratryggingar Íslands og Rauði krossinn á Íslandi hafa gert með sér samkomulag um framlengdan og breyttan samning um skaðaminnkandi þjónustu Frú Ragnheiðar fyrir einstaklinga með vímuefnavanda. Fjármagn til starfseminnar hækkar úr tæpum 23 milljónum króna í 50 milljónir króna á ársgrundvelli.…

Stuðningur við sjálfstæði og hlutleysi Alþjóðlega sakamáladómstólsins undirstrikaður

Dómstóllinn er eini varanlegi sakamáladómstóll á sviði þjóðaréttar og hefur hann lögsögu þegar alþjóðaglæpir eru framdir á yfirráðasvæðum þeirra 125 ríkja sem að honum standa eða gegn ríkisborgurum hans.

Aðgerðaráætlun stjórnvalda fyrir íslenska fjölmiðla

Logi Einarsson, menningar-, nýsköpunar- og háskólaráðherra, kynnti í dag aðgerðaáætlun stjórnvalda fyrir íslenska fjölmiðla. Aðgerðaáætlunin er afrakstur viðamikils samráð við fjölmiðla landsins, auglýsendur og framleiðendur. Hún telur um tuttugu aðgerðir og hvílir á þremur þáttum:

Ráðherra gefur út stefnu um líffræðilega fjölbreytni til 2030

​Jóhann Páll Jóhannsson, umhverfis-, orku- og loftslagsráðherra, hefur gefið út stefnu íslenskra stjórnvalda um líffræðilega fjölbreytni til ársins 2030.

Kílómetragjald fyrir alla bíla tekur gildi um áramótin

Alþingi hefur samþykkt lög um kílómetragjald sem taka gildi um áramót. Með lögunum verða olíu- og bensíngjöld felld niður og í staðinn tekið upp gjald sem miðast við hvern ekinn kílómetra.

Skýrari rammi um vind og vernd

Umhverfis-, orku- og loftslagsráðherra hefur birt í Samráðsgátt stjórnvalda drög að frumvarpi til breytinga á lögum um verndar- og orkunýtingaráætlun um vindorku og verndarflokk.

Jöfnunarsjóður: Endanleg útgjalda- og tekjujöfnunarframlög og fasteignaskattsframlög fyrir árið 2025

Innviðaráðherra hefur samþykkt tillögur ráðgjafanefndar Jöfnunarsjóðs um endurskoðaða úthlutun á útgjaldajöfnunarframlagi, tekjujöfnunarframlagi og framlagi til jöfnunar á tekjutapi vegna fasteignaskatts fyrir árið 2025.

Fjárlög fyrir árið 2026 samþykkt: Markviss forgangsröðun í þágu grunnþjónustu og innviða

Alþingi hefur samþykkt fjárlög fyrir árið 2026. Fjárlögin endurspegla áherslu ríkisstjórnarinnar á styrka stjórn á fjármálum ríkisins. Þau eru skýr varða á leiðinni í átt að hallalausum fjárlögum 2027, eins og ríkisstjórnin hefur boðað.

Fjórir umsækjendur um embætti ríkislögreglustjóra

Alls bárust fjórar umsóknir um embætti ríkislögreglustjóra sem auglýst var þann 3. desember síðastliðinn. Umsóknarfrestur rann út þann 18. desember.

Hætt verður að miða við fæðingardag barns þegar breytingar eru gerðar á fæðingar- og foreldraorlofi

Alþingi hefur samþykkt frumvarp Ingu Sæland, félag og húsnæðismálaráðherra um breytingu á lögum um fæðingar- og foreldraorlof og lögum um sorgarleyfi.

Lög um hlutdeildarlán sem gera fyrstu kaupendum auðveldara að eignast íbúð samþykkt á Alþingi

Alþingi samþykkti í gær frumvarp Ingu Sæland, félags- og húsnæðismálaráðherra um hlutdeildarlán en með þeim er stuðningur aukinn við fyrstu kaupendur við að komast inn á húsnæðismarkaðinn.

Alþingi samþykkir lög um hækkun almenns frítekjumarks ellilífeyris

Alþingi hefur samþykkt frumvarp Ingu Sæland, félag og húsnæðismálaráðherra sem felur í sér að öryrkjum verður tryggð ævilöng aldursviðbót og að almennt frítekjumark ellilífeyris hækki.

Ísland fullgildir samning um Alþjóðastofnun um leiðarmerki í siglingum

Ísland er nú fullgildur aðili að Alþjóðastofnun um leiðarmerki í siglingum

Niðurstaða úthlutunar á tollkvótum á landbúnaðarvörum sem taka gildi 1. janúar 2026

Nýverið lauk úthlutunarferli tollkvóta á landbúnaðarvörum sem taka allir gildi 1. janúar nk. og gilda ýmist í 6 eða 12 mánuði. Í nær öllum tilvikum var umfram eftirspurn eftir tollkvótum og var þeim því úthlutað með útboði.

80 verkefni fá úthlutað úr Tónlistarsjóði vegna fyrri úthlutunar árið 2026

Úthlutunarnefndir Tónlistarsjóðs hafa lokið vinnu vegna fyrri úthlutunar 2026. Í sjóðinn bárust alls 342 umsóknir og var heildarupphæð styrkumsókna 538.327.318 kr. Til úthlutunar voru 91.645.000 kr. sem veitt var til samtals 80 verkefna sem skiptast svo á milli fjögurra deilda sjóðsins.

Heimsókn geðheilbrigðisráðherra Írlands – upphaf að samstarfi frændþjóða

Mary Butler, geðheilbrigðisráðherra Írlands kom nýverið í heimsókn til Íslands til að efla samvinnu í geðheilbrigðismálum, deila reynslu og lausnum í þeim áskorunum sem þjóðirnar standa frammi fyrir. Það var heilbrigðisráðherra Ölmu D. Möller sönn ánægja að taka á móti Mary Butler og sendinefnd hennar.…

Mat á heilbrigðisviðbúnaði Íslands við bráðum lýðheilsuógnum

Heilbrigðisráðuneytið birtir íslenska þýðingu á mati á stöðu heilbrigðisviðbúnaðar Íslands við bráðum lýðheilsuógnum. Matið var unnið í samræmi við ákvæði reglugerðar ESB um alvarlegar heilbrigðisógnir þvert á landamæri.

Fyrsta starfsár Hvatasjóðs íþróttahreyfingarinnar

Hvatasjóður íþróttahreyfingarinnar hefur lokið úthlutun styrkja á sínu fyrsta starfsári. Sjóðurinn styrkir verkefni sem miða að útbreiðslu íþrótta og aukinni þátttöku barna í íþróttum með áherslu á þátttöku barna með fötlun, af tekjulægri heimilum og með fjölbreyttan tungumála- og menningarbakgrunn.

Ísland fullgildir hafréttarsamning um verndun og sjálfbæra nýtingu líffræðilegrar fjölbreytni hafsins utan lögsögu

Íslensk stjórnvöld hafa lokið fullgildingu nýs samnings undir hafréttarsamningi Sameinuðu þjóðanna um verndun og sjálfbæra nýtingu líffræðilegrar fjölbreytni hafsins utan lögsögu ríkja (BBNJ-samningsins) með afhendingu fullgildingarskjals til aðalframkvæmdastjóra Sameinuðu þjóðanna.

Jöfnun örorkubyrðar og víxlverkun

Sameiginleg yfirlýsing ASÍ, SA og fjármála- og efnahagsráðuneytisins var undirrituð í dag. Hún varðar leiðina að varanlegri lausn á jöfnun örorkubyrði lífeyrissjóða og lausn á gagvirkri víxlverkun almannatrygginga og lífeyrissjóða

Hanna Björg skipuð skrifstofustjóri Raforkueftirlitsins

Umhverfis-, orku- og loftslagsráðherra, hefur skipað Hönnu Björgu Konráðsdóttur í embætti skrifstofustjóra Raforkueftirlitsins.

Norðurlöndin og Eystrasaltsríkin sameina krafta sína í netöryggismálum

Ísland tekur þátt í stofnun netöryggismiðstöðvar (e. cyberhub) sem miðar að því að efla greiningu, viðbrögð og varnir gegn netógnum, ásamt Noregi, Danmörku, Finnlandi, Eistlandi, Lettlandi og Litáen. Verkefnið er samfjármagnað af Evrópusambandinu í gegnum styrkjaáætlun Digital Europe með heildarfjárhagsramma upp á 14 milljónir evra.…

Skýrsla vinnuhóps um hagsýni í ríkisrekstri – um helmingur tillagna hagræðingarhóps verði að veruleika

Vinnuhópur forsætisráðherra um hagsýni í ríkisrekstri hefur skilað skýrslu um störf sín og framgang verkefna. Samkvæmt núgildandi fjármálaáætlun verður hagrætt í ríkisrekstri um 107 milljarða króna á tímabili áætlunarinnar frá 2026-2030 og þar af um ellefu milljarða króna á næsta ári.

Ísland undirritar samning um skaðabótanefnd vegna Úkraínu

Ísland var í hópi 35 ríkja sem undirrituðu samning um stofnun alþjóðlegrar skaðabótanefndar vegna Úkraínu í gær. Undirritunin fór fram á ríkjaráðstefnu á vettvangi Evrópuráðsins sem fram fór í Haag með þátttöku Volodómír Selenskí Úkraínuforseta.

56 milljónir í rekstrarstyrki til frjálsra félagasamtaka

Umhverfis-, orku- og loftslagsráðuneytið hefur úthlutað rúmlega 56 milljónum króna í rekstrarstyrki til 25 frjálsra félagasamtaka sem starfa á málefnasviði ráðuneytisins á grundvelli umsókna.

Fimmtu úttektinni um varnir gegn spillingu lokið

Samtök ríkja innan Evrópuráðsins gegn spillingu (GRECO) hafa lokið fimmtu úttekt sinni á Íslandi um varnir gegn spillingu og eflingu heilinda hjá æðstu handahöfum framkvæmdarvalds og löggæsluyfirvöldum.

Alþingi samþykkir eingreiðslu í desember sem beinist sérstaklega að tekjulægstu lífeyrisþegunum

Alþingi hefur samþykkt frumvarp Ingu Sæland, félags- og húsnæðismálaráðherra sem felur í sér eingreiðslu í desember til þeirra sem fengið hafa greiddan örorkulífeyri, hlutaörorkulífeyri, ellilífeyri eða fengið sjúkra- og endurhæfingargreiðslur á árinu 2025. Það sama á við um þá sem fengu á árinu greiddan endurhæfingarlífeyri samkvæmt lögum um félagslega aðstoð.

Menningarinnviðir á Austurlandi styrktir

Nýr menningarsamningur milli ríkisins, Austurbrúar og sveitarfélaganna Múlaþings og Fjarðabyggðar var undirritaður í Sköpunarmiðstöðinni á Stöðvarfirði þann 11. desember síðastliðinn.

Átján útskrifast úr fangavarðanámi

Síðastliðinn föstudag, þann 12. desember, útskrifuðust 18 nemendur úr fangavarðanámi Fangelsismálastofnunar sem starfrækt er hjá Mennta- og starfsþróunarsetri lögreglu hjá embætti ríkislögreglustjóra.

Fyrsta aðlögunaráætlun íslenskra stjórnvalda vegna áhrifa loftslagsbreytinga

Jóhann Páll Jóhannsson, umhverfis-, orku- og loftslagsráðherra, hefur gefið út fyrstu aðlögunaráætlun íslenskra stjórnvalda vegna áhrifa loftslagsbreytinga. Áætlunin hefur verið gerð aðgengileg á CO2.is vef stjórnvalda um loftslagsmál.

Styrkjum úthlutað til einkarekinna, staðbundinna fjölmiðla utan höfuðborgarsvæðisins

Menningar-, nýsköpunar- og háskólaráðuneytið hefur úthlutað styrkjum til einkarekinna, staðbundinna fjölmiðla utan höfuðborgarsvæðisins.…

Sögulegt samkomulag um skiptingu makrílstofnsins

Hlutdeild Íslands í makrílveiðum er viðurkennd í fyrsta sinn í samkomulagi sem skrifað hefur verið undir með Noregi, Bretlandi og Færeyjum.

Efling samstarfs og sérþekkingar á málefnum þróunarríkja

Þorgerður Katrín Gunnarsdóttir utanríkisráðherra fundaði á föstudaginn með Silju Báru R. Ómarsdóttur, rektor Háskóla Íslands, og Ragnhildi Helgadóttur, rektor Háskólans í Reykjavík, um samstarf við uppbyggingu sérþekkingar á málefnasviðum þróunarsamvinnu.…

Netöryggisæfing til að efla viðbragðsgetu bandalagsríkja gegn fjölþáttaógnum

Ísland tók nýverið þátt í fjölþjóðlegu netöryggisæfingunni Cyber Coalition 2025, sem haldin hefur verið árlega frá árinu 2008 á vegum Atlantshafsbandalagsins. Markmið hennar er að efla samvinnu og viðbragðsgetu þjóða gegn net- og fjölþáttaógnum, en að þessu sinni tóku lið frá 35 aðildar- og samstarfsríkjum bandalagsins þátt í æfingunni sem fram fór dagana 28. nóvember til 4. desember sl.

Ekki tapa peningum - leystu út gömlu húsbréfin

Húsbréf sem gefin voru út af Íbúðalánasjóði/ÍL-sjóði fyrir árið 2004 hafa verið dregin út á grundvelli útdráttarheimildar. Eigendur pappírsbréfa eru hvattir til að leysa þau út gegn greiðslu hjá Fjársýslu ríkisins frá og með 15. desember.

Svæðisráð skipað um strandssvæðisskipulag fyrir Vestfirði

Inga Sæland, félags- og húsnæðismálaráðherra, hefur skipað svæðisráð um strandsvæðisskipulag fyrir Vestfirði. Skipunin er gerð samkvæmt lögum um skipulag haf- og strandsvæða. Fulltrúar í svæðisráði bera ábyrgð á gerð strandsvæðisskipulags, eða endurskoðun þess, og starfa í umboði ráðherra.…

Uppgjör ríkissjóðs fyrir janúar–september 2025: Betri afkomuhorfur fyrir árið í heild

Fjársýsla ríkisins hefur birt uppgjör fyrir fyrstu níu mánuði ársins 2025. Samkvæmt uppgjörinu eru tekjur ríkissjóðs meiri en áætlað var, en tímabundnir liðir, einkum auknar lífeyrisskuldbindingar og uppgjör ÍL-sjóðs, hafa áhrif til hækkunar gjalda á tímabilinu

Meðalfjöldi daga sem foreldrar nýta í fæðingarorlofi

Yfirlit yfir nýtingu fæðingarorlofs má sjá í skýrslunni Brúum umönnunarbilið sem kynnt var í vikunni og inniheldur tillögur aðgerðahóps sem forsætisráðherra skipaði í sumar. Meðalfjöldi daga sem nýttir eru af mæðrum eru þar teknir saman, sem og meðalfjöldi daga sem nýttir eru af feðrum.

Áfallaþol nauðsynleg forsenda fyrir öryggi almennings

Dómsmálaráðuneytið og utanríkisráðuneytið hafa birt áfangaskýrsluna Áfallaþol á grundvelli viðmiða Atlantshafsbandalagsins. Skýrslan var unnin af stýrihópi sem var falið að kanna áfallaþol í íslensku samfélagi með hliðsjón af grunnviðmiðum bandalagsins og markar einn áfanga í heildstæðri kortlagningu, stefnumótun og tillögum að aðgerðum til að efla áfallaþol samfélagsins.…

Sex umsækjendur um embætti ráðuneytisstjóra dómsmálaráðuneytisins

Alls bárust sex umsóknir um embætti ráðuneytisstjóra dómsmálaráðuneytisins sem auglýst var þann 25. nóvember 2025. Umsóknarfrestur rann út þann 10. desember 2025.

Ytra mat hafið í framhaldsskólum með nýjum gæðaviðmiðum

Mennta- og barnamálaráðuneytið hefur hafið framkvæmd ytra mats á framhaldsskólum samkvæmt nýjum gæðaviðmiðum sem kynnt voru í haust. Um er að ræða endurbætt verklag sem mótast hefur í samráði við skólasamfélagið og tekur mið af væntingum um að ytra mat framhaldsskóla sé umbóta- og þróunarmiðað.

Breytir reglugerð um barnalífeyri vegna náms eða starfsþjálfunar ungmenna

Inga Sæland, félags- og húsnæðismálaráðherra, undirritaði í dag breytingu á reglugerð sem heimilar Tryggingastofnun að greiða barnalífeyri vegna náms eða starfsþjálfunar ungmenna á aldrinum 18-20 ára. Barnalífeyrinn má greiða ef annað foreldri eða báðir eru látnir eða ef foreldrar eru ellilífeyrisþegar eða örorkulífeyrisþegar. Upphæðin er 48.131 kr. á mánuði og er skattfrjáls.…

Neðansjávarfar til að efla eftirlit við strendur Íslands afhent Landhelgisgæslunni

Landhelgisgæsla Íslands tók formlega á móti ómannaða neðansjávarfarinu GAVIA AUV frá Teledyne Gavia í dag. Um samstarfsverkefni Landhelgisgæslu Íslands og utanríkisráðuneytisins er að ræða en Háskóli Íslands færði Landhelgisgæslunni farið til eignar fyrr á árinu.