Fréttir

Leita

Veldu ráðuneyti
Veldu verkefni
Veldu ár
Sýni 1301-1400 af 8581 niðurstöðum
15. september 2025Heilbrigðisráðuneytið, Menningar-٫ nýsköpunar- og háskólaráðuneytið

Nýsköpunarráðstefna um heilbrigðistæknilausnir og þjónustu, miðvikudaginn 1. október

Alma D. Möller heilbrigðisráðherra og Logi Einarsson, menningar- nýsköpunar- og háskólaráðherra boða sameiginlega til nýsköpunarráðstefnu um heilbrigðistæknilausnir og þjónustu á grundvelli þeirra. Markmiðið er að leiða saman haghafa til samtals um tækifærin sem felast í nýsköpun og nýjum lausnum í opinberri heilbrigðisþjónustu til að efla heilbrigðisþjónustu við landsmenn.…

15. september 2025Fjármála- og efnahagsráðuneytið, Menningar-٫ nýsköpunar- og háskólaráðuneytið

Heildarendurskoðun laga um stuðning við nýsköpunarfyrirtæki

Heildarendurskoðun laga um stuðning við nýsköpunarfyrirtæki stendur nú yfir, í samræmi við ákvæði laganna um að endurskoðun skuli lokið fyrir 1. janúar 2027. Endurskoðunin er unnin í samvinnu fjármála- og efnahagsráðuneytisins og menningar-, nýsköpunar- og háskólaráðuneytisins. Fyrr á árinu var skipaður starfshópur um endurskoðunina undir forystu fjármála- og efnahagsráðuneytisins.

14. september 2025Dómsmálaráðuneytið

Stærsti hluti fjárveitinga dómsmálaráðuneytisins í öryggismál

Dómsmálaráðherra leggur skýra áherslu á öryggi og einföldun með fjárlögum ársins 2026. Heildarfjárframlög sem heyra undir ráðuneytið nema rúmum 73 milljörðum króna, eða um 4,5% af áætluðum útgjöldum ríkissjóðs. Stærsti hluti fjárveitinganna fer í öryggismál. Þar undir falla lögregla, Landhelgisgæsla, ákæruvald og fangelsismál, þar sem útgjöld nema rúmum 50 milljörðum króna.…

12. september 2025Heilbrigðisráðuneytið, Mennta- og barnamálaráðuneytið

Styrkja Bergið-headspace um 20 milljónir króna

Alma D. Möller heilbrigðisráðherra, Guðmundur Ingi Kristinsson mennta- og barnamálaráðherra og Eva Rós Ólafsdóttir, framkvæmdastjóri Bergsins-headspace undirrituðu í dag styrktarsamning sem kveður á um 20 milljóna króna fjárframlag ráðuneytanna til að styðja við starfsemi Bergsins. Hvort ráðuneyti um sig leggur til 10 milljónir króna. Samningurinn gildir til loka þessa árs.

11. september 2025Dómsmálaráðuneytið

Dómsmálaráðherra og utanríkisráðherra heimsóttu Northern Challenge

Þorbjörg S. Gunnlaugsdóttir dómsmálaráðherra og Þorgerður Katrín Gunnarsdóttir utanríkisráðherra heimsóttu í dag fjölþjóðlegu sprengjueyðingaæfinguna Northern Challenge, sem fram fer hér á landi. Northern Challenge er ein umfangsmesta fjölþjóðlega æfing sprengjusérfræðinga í Evrópu og sú stærsta innan NATO sem sérhæfir sig í sprengjueyðingu.…

10. september 2025Heilbrigðisráðuneytið

Innsýn í þingmál heilbrigðisráðherra á 157. löggjafarþingi

Alma D. Möller heilbrigðisráðherra er með þrettán þingmál á þingmálaskrá ríkisstjórnarinnar fyrir 157. löggjafarþing. Þar af eru tíu lagafrumvörp, ein þingsályktunartillaga og tvær skýrslur til Alþingis. Sjö lagafrumvarpanna er áformað að leggja fram á Alþingi fyrir áramót. Þrjú þeirra hafa þegar verið samþykkt í ríkisstjórn og tvö af þeim voru lögð fram á Alþingi við setningu þingsins í gær.

09. september 2025Mennta- og barnamálaráðuneytið, Menningar-٫ nýsköpunar- og háskólaráðuneytið

OECD: Ísland þarf að styrkja fjármögnun háskólastigsins – skýrsla Education at a Glance 2025

Alþjóðleg skýrsla Efnahags og framfarastofnunarinnar, OECD, Education at a Glance 2025, var birt í dag. Skýrslan kemur út árlega en í ár er sjónum sérstaklega beint að háskólastiginu. Niðurstöður skýrslunnar gefa mikilvægar vísbendingar um stöðu íslensks háskólakerfis í alþjóðlegum samanburði.

09. september 2025Heilbrigðisráðuneytið

Stafræn þróun í heilbrigðiskerfinu – vegvísir til framtíðar

Yfirgripsmikilli vinnu á vegum heilbrigðisráðuneytisins við formlegt mat á stafrænni þróun og gagnamálum í heilbrigðiskerfinu er lokið og hefur lokaskýrsla verkefnisins nú verið birt. Í skýrslunni eru settar fram tillögur sem miða að skýrari forgangsröðun og samfellu í þjónustu, auknu aðgengi að gögnum og sameiginlegum innviðum sem tryggja skilvirkan og öruggan rekstur.…

08. september 2025Fjármála- og efnahagsráðuneytið

Tiltekt og umbætur í fjárlagafrumvarpi fyrir árið 2026

Í morgun var kynnt fjárlagafrumvarp fyrir árið 2026. Þetta fyrsta fjárlagafrumvarp ríkisstjórnarinnar felur í sér áframhald þeirrar vinnu sem lagt var upp með í fjármálastefnu og fjármálaáætlun fyrr á árinu, um bættan ríkisrekstur og aukinn stöðugleika. Með fjárlögunum eru þannig sköpuð skilyrði fyrir lækkun vaxta, til hagsbóta fyrir heimili og fyrirtæki landsins.

05. september 2025Utanríkisráðuneytið

Norrænir þróunarmálaráðherrar funduðu í Finnlandi

Umbætur á starfsemi Sameinuðu þjóðanna ​og þær áskoranir sem alþjóðasamfélagið stendur frammi fyrir á tímum mikils niðurskurðar til þróunarsamvinnu bar hæst á fundi þróunarmálaráðherra Norðurlandanna sem haldinn var í Finnlandi í dag. Elín R. Sigurðardóttir, skrifstofustjóri þróunarsamvinnuskrifstofu utanríkisráðuneytisins, sótti fundinn fyrir hönd utanríkisráðherra.

05. september 2025Heilbrigðisráðuneytið

Forvörn gegn RS veiru tekin í almenna notkun fyrir ungbörn í fyrsta sinn á Íslandi

Öllum ungbörnum undir sex mánaða aldri verður boðin forvörn gegn RS veirusýkingu frá og með október næstkomandi. Þetta er nýmæli. RS-veiran er algeng orsök öndunarfærasýkinga, sem leggst sérstaklega þungt á börn á fyrsta aldursári, og veldur árlega fjölda innlagna á sjúkrahús hérlendis og erlendis. Í alvarlegum tilvikum þurfa börn að leggjast inn á gjörgæslu og fá öndunarvélarstuðning.…

04. september 2025Félags- og húsnæðismálaráðuneytið

Hagsýni í ríkisrekstri: Mikill sparnaður vegna aðgerða sem unnið er að í félags- og húsnæðismálaráðuneytinu

Áætlað er að hagræðingaraðgerðir sem félags- og húsnæðismálaráðherra hyggst ráðast í skili meira en 13 milljarða króna sparnaði á ársgrundvelli árið 2030. Strax á næsta ári er áætlaður sparnaður ríflega 5 milljarðar króna. Aðgerðirnar eru hluti af hagræðingar- og umbótaverkefnum sem unnið er að innan Stjórnarráðsins.

04. september 2025Félags- og húsnæðismálaráðuneytið

Breyttu fyrirkomulagi vegna atvinnuleysistrygginga ætlað að hvetja fólk til virkni

Inga Sæland, félags- og húsnæðismálaráðherra, fyrirhugar að gera breytingar á atvinnuleysistryggingakerfinu með það að markmiði að grípa fólk fyrr en áður og stuðla að aukinni virkni hjá þeim hópi sem er útsettur fyrir langtímaatvinnuleysi. Hvergi á Norðurlöndum er bótatímabil atvinnuleysistrygginga jafn langt og á Íslandi eða 30 mánuðir.…

04. september 2025Dómsmálaráðuneytið

Fjölgun lögreglumanna eykur öryggi almennings

Dómsmálaráðherra kynnti í upphafi árs áform sín um að fjölga lögreglumönnum um fimmtíu þegar á þessu ári. Markmið ráðherra með aukningunni var að efla löggæslu í landinu og tryggja öryggi almennings ásamt öryggi lögreglumanna. Skipting aukinna stöðugilda var ákveðin með tilliti til hlutfalls starfandi lögreglumanna á hverja tíu þúsund íbúa í hverju umdæmi ásamt verkefnastöðu embættanna.

03. september 2025Heilbrigðisráðuneytið

Lífsstílsmóttaka á heilsugæslu HSU fyrir börn með offitu gæti orðið fyrirmynd

Undanfarin misseri hefur Heilbrigðisstofnun Suðurlands (HSU) unnið að þróunar- og rannsóknarverkefni fyrir svokallaða lífsstílsmóttöku fyrir börn á heilsugæslustöðvum í umdæminu. Verkefnið hefur yfirskriftina ,,Kraftmiklir krakkar” og hefur það markmið að fást við offitu meðal barna á markvissan hátt. Alma D. Möller heilbrigðisráðherra segir frumkvæði HSU mikilsvert framtak.…

02. september 2025Félags- og húsnæðismálaráðuneytið, Heilbrigðisráðuneytið

64 ný hjúkrunarrými á Hrafnistu í Kópavogi

Félags- og húsnæðismálaráðherra, heilbrigðisráðherra, bæjarstjóri Kópavogs og forráðamenn Hrafnistu opnuðu í dag nýtt 64 rýma hjúkrunarheimili í Boðaþingi í Kópavogi. Fyrir eru 44 rými í Boðaþingi og eru hjúkrunarrýmin þannig orðin 108 talsins. Óhætt er að segja að um mikilvægan áfanga sé að ræða í uppbyggingu hjúkrunarheimila hér á landi, enda eru biðlistar langir, ekki síst á höfuðborgarsvæðinu.…

02. september 2025Heilbrigðisráðuneytið

Hagræðing og tiltekt í heilbrigðiskerfinu

Í upphafi árs tók heilbrigðisráðherra ákvörðun um að ráðast í 38 aðgerðir til hagræðingar og einföldunar í heilbrigðiskerfinu í samræmi við markmið ríkisstjórnar Kristrúnar Frostadóttur um hagræðingu og hagsýni í ríkisrekstri. Aðgerðirnar eru mislangt komnar, fimm er þegar lokið en ráðuneytið hefur mótað skýra sýn á framhald þeirra aðgerða sem áfram er unnið að.

01. september 2025Félags- og húsnæðismálaráðuneytið

Tímamót: Nýtt örorku- og endurhæfingarkerfi – breytingarnar snerta hátt í 30.000 manns

Í dag tóku gildi stærstu breytingar sem gerðar hafa verið á örorku- og endurhæfingarkerfinu undanfarna áratugi. Breytingarnar snerta hátt í 30.000 manns. Í nýju kerfi er litið til þess hvað fólk getur í stað þess að einblína á hvað það getur ekki. Nýja kerfið er einfaldara, greiðslur hækka, dregið er úr tekjutengingum og fólki gert auðveldara að taka þátt á vinnumarkaði kjósi það svo.…

01. september 2025Félags- og húsnæðismálaráðuneytið

Bein útsending: Tímamót með nýju örorku- og endurhæfingarkerfi

Nýtt örorku- og endurhæfingarkerfi tekur gildi í dag, 1. september, og á fundi kl. 11:00 verður farið yfir umbæturnar sem nýja kerfið hefur í för með sér. Kynningin verður send út í beinu streymi. Um er að ræða stærstu breytingar sem gerðar hafa verið á örorku- og endurhæfingarkerfinu undanfarna áratugi. Breytingarnar snerta hátt í 30.000 manns.

29. ágúst 2025Utanríkisráðuneytið

Landgræðsluskóli GRÓ útskrifar 19 sérfræðinga

Átjándi nemendahópur Landgræðsluskóla GRÓ útskrifaðist á þriðjudaginn. Nemendahópurinn samanstóð af 19 sérfræðingum á sviði sjálfbærrar landnýtingar og endurheimtar vistkerfa, frá níu samstarfslöndum skólans í Afríku og Asíu. Þetta var í fyrsta sinn sem nemendur frá Benín og S-Afríku útskrifast úr skólanum, en aðrir nemendur voru frá Gana, Kenía, Úsbekistan, Lesótó, Malaví, Mongólíu og Úganda.