16 apríl 2026
Ísland bakhjarl kyn- og frjósemisheilbrigðisverkefnis í Úganda
Ísland tekur ásamt Danmörku og Svíþjóð þátt í stóru verkefni Mannfjöldasjóðs Sameinuðu þjóðanna (UNFPA) í Úganda á sviði kyn- og frjósemisheilbrigðis. Stuðningur Íslands er til þriggja ára og nær verkefnið til níu héraða. Framlagið, sem rúmast innan samþykktra fjárheimilda, verður að stærstum hluta helgað forvörnum og aðgerðum gegn fæðingarfistli.